Inergy eta Beedata enpresek Industria, Merkataritza eta Turismo Ministerioak Enpresa Talde Berritzaileentzako laguntzen bitartez finantzatutako INSIGA eta INCOMUNER berrikuntza-proiektuen barruan sortutako plataforma da SIE-COMUNIDAD.
INERGY energia-eraginkortasunaren arloko enpresa da, energia-kudeaketako eta –eraginkortasuneko softwarean eta zerbitzuetan espezializatuta dagoena, eta 10 urte baino gehiagoko esperientzia duena. 500 erakunde publiko eta pribatu baino gehiagotan dago ezarrita energia-kudeaketa eta -kontabilitateko gure SIE softwarea, eta 50.000 hornikuntza-puntu baino gehiago kudeatzen ditu. Inergyk eskuarki parte hartzen du berrikuntza-proiektuetan, eta Zientzia eta Berrikuntza Ministerioak ematen duen Enpresa Txiki edo Ertain Berritzailearen zigilua du. Inergyko partaide da, besteak beste, Ingeniaritzarako Zenbaki-metodoen Nazioarteko Zentroa (CIMNE).
CIMNE ikerkuntza-zentrotik eratorritako enpresa da, BEE Group deritzon ikerkuntza-taldearen barruan. Beedata 2017an eratu zen, energia-informazioko sistemen arloan 10 urte baino gehiagoz ikertu eta esperientzia luzearen ondoren, BECA, Encerticus eta Empowering bezalako Europako proiektuetan.
Beedata enpresak energia-trantsizioan modu aktiboan parte hartuko duten soluzioak garatzea dugu helburu. Kontsumoa murriztea eta energia berriztagarriak sortzea funtsezko gakoak dira emisioak neutralizatzea lortzeko eta, horretarako, beharrezkoa da gure kontsumo-patroiak birplanteatzea. Kontsumitzaileei haien energia-kontsumoa ulertzen eta kontrolatzen laguntzeko eta autokontsumoa sustatzeko, beharrezkoa da tresnak eskura izatea. Horregatik, Beedatan kontagailu adimentsuen, sorkuntza-sistemen eta klimatizazio-sistemen datu energetikoak herritarrarentzako edo enpresetarako informazio baliagarri bilakatzen saiatzen gara, haien gastuak eta karbono-aztarna murritz ditzaten.